FSMMIPA

ዜና

ኢንተርፕራይዞችን በንግድ ልማት አገልግሎት ተጠቃሚ እንዲሆኑ የሚያስችል የአማካሪዎችና ካውንስለርስ የአሰልጣኞች ስልጠና መሰጠቱ ተገለፀ

ይህ የተገለፀው ዘርፉን የሚደግፉ ሰልጣኝ አማካሪዎችና ካውንስለርስ ስልጠናቸውን አጠናቀው ሰርትፍኬት በወሰዱበት ወቅት ነው፡፡  

ሐምሌ15/2013 በተካሄደው በዚህ የሰርትፍኬት አሰጣጥ ስነስርዓት ላይ እንደተገለፀው የጥቃቅን፣ አነስተኛና መካከለኛ ኢንተርፕራይዞችን በንግድ ልማት አገልግሎት ለመደገፍና በዚህ ላይ የሚገጥማቸውን ችግር ለመፍታት የሚያስችል በጃፓን ዓለም አቀፍ የትብብር ኤጀንሲ (JICA) ድጋፍ ለአማካሪዎችና ካውንስለርስ የአሰልጣኞች ስልጠና መሰጠቱ ተመላክቷል፡፡ 

ዕለቱ ተገኝተው ንግግር ያደርጉት የፌዴራል አነስተኛና መካከለኛ ማኑፋክቸሪንግ ኢንዱስትሪ ማስፋፊያ ባለስልጣን ዋና ዳይሬክተር አቶ አስፋው አበበ በሀገራችን የጥቃቅን አነስተኛና መካከለኛ ኢንተርፕራይዞች ልማትን ለመደግፉና ለማጠናከር በንግድ ልማት አገልግሎት አማካሪዎችና ካውንስለርስ ማፍራት እንደሚገባ ገልፀው፣ አሁን የተገኘውን ጅምር ስራም እያሰፉ መሄድ እንደሚገባ ተናግረዋል፡፡ 

የሰለጠኑ የአማካሪዎችና ካውንስለረርስ ያገኙትን እውቀት ተጠቅመው የኢንተርፕራይዞችን ክፍተት በመሙላት ዘርፉ እንዲሳለጥ መስራት ይኖርባቸዋል ያሉት ዋና ዳይሬክተሩ ሌሎችንም በማሰልጠን በንግድ ልማት አገልግሎት ሚታየውን የአማካሪዎችና ካውንስለርስ ችግር መፍታት እንዳለባቸው አሳስበዋል፡፡ 

በዕለቱ የአማካሪዎችና ካውንስለርስ የንግድ ልማት አገልግሎት ተጠቃሚ የሆኑ ኢንተርፕራይዞች አገልግሎቱን ካገኙ በኋላ ውጤታማ መሆናቸውን የሚያመላክት ተሞክሮ ቀርቧል፡፡ ስልጠና ያገኙ አማካሪዎችና ካውንስለርስም ስልጠናው ኢንተርፕራይዞችን ውጤታማ ድጋፍ ለማድረግ እንዳገዛቸው ተናግረዋል፡፡

Leave a Reply

Your email address will not be published. Required fields are marked *